التحرير الإخبارى

محمد رمضان: «أخويا مسيحي» (فيديو)

محمد رمضان محمد رمضان

نشر الفنان محمد رمضان، اليوم الجمعة، مقطع فيديو لأحد مشاهد فيلم «ابن حلال»، الذي عرض في موسم رمضان 2014، والذي قبّل فيه الصليب.

علق رمضان على الفيديو، خلال صفحته الرسمية بموقع التواصل الاجتماعي «فيسبوك»: «ليه الصليب بوسته في المشهد ده ؟!»، مواصلا حديثه: «أخويا في الرضاعة مسيحي اسمه، روماني جرجس .. لما كان عمري سنة أمي تعبت واتحجزت في المستشفى أسبوع واللي رضعتني الأسبوع ده أم روماني».

 وتابع رمضان: «الشارع اللي كنت ساكن فيه كان تقريبًا أربعة بيوت بس للمسلمين والباقي مسيحيين»، مستكملًا: «أفراحهم كنا بنحضرها في الكنيسة، وكانوا بيحضروا كتب الكتاب في قاعة المناسبات في المسجد، كان أكلنا واحد وأحلامنا وأحزانا واحدة (ثقة في الله هنفضل كده)».

واستكمل: «ويمكن علشان كده في المشهد ده اتفاجئت إني بابوس الصليب بدون أي اتفاق مسبق مع المخرج بتلقائية وعفوية، وذلك لأني تعودت وتربيت على أن احترام ما يحترمه أخوتنا المسيحيين (الدين لله والوطن للمسلمين والمسيحيين معًا». 

 

شارك هذا الخبر


للاشتراك في خدمة الرسائل على تليفونك
  فودافون وموبينيل
التعليقات